హైదరాబాద్ బుక్ ఫెయిర్ సొసైటీ పత్రిక సమావేశం

తెలంగాణ సాహిత్య, సాంస్కృతిక ప్రియుల కోసం 38వ హైదరాబాద్ బుక్ ఫెయిర్ను వైభవంగా నిర్వహించడానికి అన్ని ఏర్పాట్లు పూర్తయ్యాయి. హైదరాబాద్ బుక్ ఫెయిర్ సొసైటీ ఆధ్వర్యంలో ఈ ప్రదర్శన డిసెంబర్ 19, 2025 నుండి డిసెంబర్ 29, 2025 వరకు 11 రోజుల పాటు తెలంగాణ కళా భారతి (ఎన్.టి.ఆర్ స్టేడియం, ఇందిరాపార్క్)లో జరగనుంది.

సొసైటీ కార్యవర్గం:

సొసైటీ అధ్యక్షులు శ్రీ యాకూబ్, ప్రధాన కార్యదర్శి శ్రీ ఆర్. వాసు, ఉపాధ్యక్షుడు శ్రీ బాల్ రెడ్డి, కోశాధికారి శ్రీ నారాయణరెడ్డి ఈ ప్రదర్శన నిర్వహణ బాధ్యతలను పర్యవేక్షిస్తున్నారు.

ప్రాంగణాలకు ప్రముఖుల పేర్లు:

పుస్తక ప్రదర్శన ప్రాంగణాలకు తెలుగు సాహిత్య, కళా రంగ ప్రముఖుల పేర్లు పెట్టడం జరిగింది.

అవి:

అందెశ్రీ - ప్రాంగణం

అనిశెట్టి రజిత - ప్రధాన వేదిక

కొంపల్లి వెంకట్ గౌడ్ - పుస్తకావిష్కరణ వేదిక

ప్రొ. ఎస్.వి. రామారావు - రైటర్స్ స్టాల్స్

స్వేచ్ఛ వొటార్కార్ - మీడియా స్టాల్స్

కార్యక్రమాలు:

పుస్తక విక్రయాలతో పాటు, ప్రదర్శన సందర్భంగా ప్రతిరోజూ సాంస్కృతిక కార్యక్రమాలు, రచయితలతో సమావేశాలు, పిల్లల కోసం ప్రత్యేక కార్యక్రమాలు నిర్వహించబడతాయి.

తెలంగాణ ప్రజలు, పుస్తక ప్రియులు, విద్యార్థులు ఈ ప్రదర్శనను సందర్శించి విజయవంతం చేయాలని హైదరాబాద్ బుక్ ఫెయిర్ సొసైటీ కోరుతోంది.

ఇట్లు,

హైదరాబాద్ బుక్ ఫెయిర్ సొసైటీ.